ArchivesLokal

Resolution nga nagahawid kay SSUPT Remus Zacharias Canieso bilang ICPO Director, ginpasar sang city council

Iloilo City — Nagpasar sang resolution ang city council agud ipabilin si Senior Supt. Remus Zacharias Canieso bilang City Director sang Iloilo City Police Office (ICPO) tubtub matapos ang iya nga termino.

Gin-aprobahan sang tanan nga miembro sang konseho ang ginduso nga resolution ni Councilor Joshua Alim nga hawiran si Canieso kasunod sang report nga isa ini sa ginapilian nga mangin provincial director sang Aklan.

Sa privilege speech ni Alim, gintumod sini ang maayo nga performance ni Canieso sa pagpabilin sang kalinong kag katawhay sang syudad ilabe na sa mga dalagku nga events.  Kontento man siya sa kapisan sa trabaho ni Canieso.

Ginkuwestyun man sang konsehal kun ngaa subong lang nga tuig ginhimo nga permanent City Director si Canieso bisan pa nga madugay na ini nga nagpangalagad.

Hunyo 2016 sang ginpahamtang nga City Director si Canieso tal-os kay former City Director Khasmir Disomangcop. (JoMaque)

Leave a Reply