ArchivesLokal

Assistant Principal sang Cabatuan National Comprehensive High School, nasapwan nga patay sa Maasin!

Maasin, Iloilo–Nasapwan nga bangkay na ang assistant principal sang Cabatuan National Comprehensive High School sa Barangay Naslo, Maasin kaina sang kaagahon.

Nakilala ang biktima kay Dante Roldan, 59-anyos sang Serrano Street, Cabatuan. Natabunan sang sako kag may pilas sa ulo si Roldan.

Una nga nakita sang barangay kagawad sang Caigon, Maasin nga nagakulob ang bangkay kag nagpati nga hubog lang ang biktima apang nakita niya nga may dugo gani nagtawag sang pulis. Ginpahayag naman ni PCINP Hilarion roga sang SOCO nga may pilas sa dulunggan, wasak ang baba kag nakakas ang pustiso sang biktima.

Nakita man sa iping sang bangkay ang bato nga may dugo nga ginapatihan gingamit sa paglampos sa biktima.

Wala naman sang ideya si Mrs. Nerissa Apelo, guidance counselor sang Cabatuan National Comprehensive High School, kun ngaa nakalab-ot Ma maasin si Roldan. Ang nahibaluan lang  ni Apelo nga ginapangita nila ang assistant principal para sa ila meeting kaina apang wala ini nakaabot.

Gina-imbestigaran na sang Maasin police ang motibo sa krimen kag identity sang suspetsado. (AGB)

Leave a Reply