ArchivesLokal

Nabitin si Kapitan!

Iloilo City–Nagreklamo ang punong barangay halin sa third district nga wala na nakalab-ut sang iya dapat lab-uton, nadulaan pa siya sang kwarta sa Arevalo.

Kaupod sang 57-anyos nga punong barangay ang isa pa ka barangay kapitan nga nagkuha sang sex worker sa balor nga tag-700 pesos kada isa. Nagdiretso ang duha ka kapitan upod ang ila tagsa ka partner nga pareho naga-edad 23 anyos sa beach resort sa Arevalo.

Makaligad ang malawig nga tiun, naglisensya nga maguwa ang partner sang tagreklamo bangud ginkapoy kag nagapanalakit ang lawas pero wala na nagbalik. Natukiban sang kapitan sang gin-usisa ang iya wallet nga tatlo ka libo ka pesos na lang ang bilin sa iya P5,000 nga kwarta.

Nagreklamo ang kapitan sa tag-iya sang resort tubtob nga nakalab-ut ang mga ini sa Arevalo police. Gindala man ang babaye sa police station pero nanginwala ini nga siya ang nagkuha sang kwarta sang kapitan.

Nagbalibad nga magpa-blotter ang kapitan sa kahadlok nga makalab-ut ang natabu sa iya asawa. Nagpasugot naman ang sex worker nga balikan siya ni kapitan. (AGB)

 

Leave a Reply