(UPDATE) Menor-de-edad nga testigo sa pagpatay sa assistant principal sang Cabatuan National Comprehensive High School, nakabaton sang pamahug

Maasin, Iloilo–May pamahug nga nabatun ang 15-anyos nga testigo halin sa suspetsado sa pagpatay sa assistant principal sang Cabatuan National Comprehensive High School.

Ini ang rason suno kay PO3 Elmer Lenteja, imbestigador sang Maasin Police Station kon nga-a naguwa ang menor-de-edad kag gintudlo si Rey Velasco, 20-anyos sang Sitio Balabao, Brgy. Tigbauan, Maasin. Suno pa kay Lenteja, nakonsensya ang menor bangud si Velasco ang nakita niya nga kaupod sang biktima nga si Dante Roldan antes ini nasapwan.

Ginpabutyag sang menor nga may transaksyon sa tunga nanday Velasco kag Roldan apang naakig ang suspek sang ulihi sang naghambal ang biktima nga wala siya sang kwarta gani iya ginlampusan.

Kasu nga robbery with homicide ang ginapangatubang ni Velasco nga nadakpan sang Cabatuan kag Maasin police kahapon. (AGB)