Asawa patay matapos nabun-an sang iya bana!
Barotac Nuevo, Iloilo — Patay ang asawa nga nabun-an sang iya bana sa Barotac Nuevo kagab-i. May anum ka pilas si Ligaya Valdez, 37-anyos sang Barangay Agcuyawan Calsada kag ginhingagaw pa dala sa Barotac Nuevo District Hospital pero wala gid natabangan.
Suno kay Chief Inspector Raymond Celoso, hepe sang Barotac Nuevo Police Station, naka-inom ang bana nga si Carlos Valdez, 40-anyos, sang natabu ang insidente. Nadakpan ang bana matapos nagsurrender sa Barangay Kapitan sa Dumangas.
Ginahulat naman sang police ang desisyon sang pamilya sang asawa kon magpasaka sang kaso batuk sa bana. (JoMaque)