‘Away sa bar’

Iloilo City–Nag-initay ang duha ka grupo sang mga customers sa MO2 Ice matapos nagreklamo ang isa ka babaye nga ginhampak kag ginkuhit sang indi sini kilala nga lalaki samtang nagabantay sang taxi sa guwa sang restobar sa Smallville Complex kaina sang kaagahon.

Nabudlayan pa sa pagsaway ang mga pulis bangud padayon sa pagbaisay ang duha ka grupo. Ginpahayag nga naakig ang mga kaupod sang nagreklamo nga babaye sang gulpi nga pagkuhit kag paghampak sa iya.

Ginapatihan hubog ang ginatudlo nga nagkuhit sa babaye. Wala naman nag-ako nga nagpanguhit ang lalaki apang gin-ako sini nga agi siya.

Nag-aregluhanay ang duha ka grupo sa Mandurriao Police Station. (AGB)