Barangay tanod sa Oton, gintiro patay!
Oton, Iloilo — Patay ang barangay tanod nga gintiro sang ginatudlo nga negosyante sa Barangay Pulo Maestra Vita sa Oton kagab-i. Naga-inom si Paquito Quintos, 54 anyos, upod sa tag-iya sang peryahan sa lugar nga si Romeo Biñas sang ginpalapitan ni Joebert Marmolejo kag gintiro siya. Suno kay Biñas, nagpalagyo siya matapos ang una nga lupok kag nabatian ang tatlo pa sunod-sunod nga lupok. Nakapalagyo ang suspek samtang padayon nga gina-imbestigaran sang Oton police ang motibo sa krimen. (JoMaque)