Gintiro patay sa Leganes!

Leganes, Iloilo–Patay ang lalaki nga gintiro sa Barangay Guihaman, Leganes kagab-i. Gindala pa sa ospital si Rizalde Seguro apang wala gid natabangan matapos napilasan sa tiil kag likod nga naglapos sa iya kamut. Ginatudlo nga nagtiro sa biktima si Denzel Caballero alyas Pasik nga madasig nagpalagyo pagkatapos sang insidente.

Suno kay PO2 Emmanuel Maudi, imbestigador sang Leganes Police Station, nagasakay sa motorsiklo ang biktima sang naglabay sa tiangge sa diin nagatambay ang suspek. Ginpahayag ni PO2 Maudi nga naghangkatanay tiruhay ang biktima kag suspek pero wala sang pusil ang biktima.

Daan nga hiligut-anon ang ginasunod nga ginhalinan sang insidente. (AGB)