ArchivesLokal

Iloilo City Government, maga-upod sa Earth Hour!

Iloilo City — Maga-upod ang Iloilo City government sa pag-obserbar sang Earth Hour karon sa gab-i (Marso 25). Ang switch-off event magasugod las 8:30 tubtob las 9:30 sa gab-i. Suno kay City ENRO Head, Engr. Noel Hechanova, patyon ang mga suga sa city hall kag plaza sa siyudad para mabuhinan ang carbon emission. Gina-engganyo man sini ang mga residente kag negosyo sa Iloilo nga mag-upod sa pag-obserbar sang Earth Hour.

Ang selebrasyon magatutok sa papel sang mga pamatan-un bilang mga climate leaders sa palaabuton. Ang earth Hour, worldwide movement nga gin-organisar sang World Wide Fund for Nature (WWF). Ginahiwat ini kada tuig sa bug-os nga kalibutan nga naga-engganyo sa mga indibidwal, mga pamalay kag negosyo nga patyon ang mga suga sa sulod sang isa ka oras bilang simbolo sang ila commitment sa kalibutan. Nagsugod ini bilang lights-off event sa Sydney, Australia sang 2007. Sa karon, naglab-ut na sa 7 mil ka mga siyudad sa kalibutan ang nagapasakop. Ang Pilipinas, nagapasakop sa sini nga event halin pa sang 2007 kag nagpanguna sa global participation records halin 2009 tubtob 2012. l with reports from newsinfo.inquirer.net

(JoMaque)

Leave a Reply