Mga menor de edad nga madalahig sa illegal drugs, pasakaan sang kaso suno kay PSUPT Gorero
Iloilo City — Pasakaan sang kaso ang mga menor-de-edad nga madalahig sa illegal drugs. May instruction na suno kay Police Regional Office 6 spokesman Supt Gilbert Gorero sa ila nga kasuhan ang menor-de-edad kag depende na sa fiscal ang pag-appreciate sa ginpasaka nga kaso.
Nagpaguwa sang pahayag si Gorero matapos na-obserbahan nga ginagamit ang mga menor-de-edad sa illegal drug trade kag ginagamit nga rason ang laye nga exempted sa criminal liability ang mga naga-edad sang manubo sa 18 anyos.
Ginsulit ni gorero nga may salabton ang mga ginikanan kon maglapas sang laye ang ila menor-de-edad nga kabataan. Indi makapanago suno kay Gorero ang mga ginikanan sa rason sang kapigaduhon agud makapalagyo sa ila responsibilidad. (JoMaque)