Bana, ginbuno sang asawa sa Mandurriao!

Iloilo City — Ginrason sang asawa nga gindepensahan niya lang ang iya kaugalingon batok sa bana kabangdanan nga nabun-an niya ini sang nag-inaway sila kagab-i. Natabu ini sa Barangay Airport, Mandurriao. Napilasan sa wala nga butkon malapit sa ilok ang bana nga si Cardo, 42 anyos, panday, sang ginbuno sang 43 anyos nga asawa nga si Mercy. Ang mag-asawa may 4 ka kabataan. Suno sa asawa, masami siya ginakastigo sang bana kag pirme man hubog kun magpauli. Dugang sang asawa, nagapangimon man ang iya bana nga amo ang masami nila gina-awayan. (JoMaque)