January 23, 2022

Punong Barangay sang Pacatin, Cabatuan, patay matapos ginpahayag nga gintiro kaina sang hapon; pito ka tuig nga bata nga lalaki sang kapitan, pilason man!

Read Time:1 Minute, 7 Second

Cabatuan, Iloilo–Patay ang punong barangay sang Barangay Pacatin kag pilason ang iya pito ka tuig nga bata nga lalaki nga ginpahayag natiruhan sa Barangay Jelicuon Lusaya sa amo man nga banwa kaina sang hapon.

May pilas sa tuo nga paa si Punong Barangay Virgil Zuniega samtang may pilas man sa tuo nga paa ang bata kag natalana operahan. Suno sa asawa sang kapitan nga si Ana, nagasakay sila sa motorsiklo sang may nabatian siya nga duha ka lupok kag nakita nga pilason ang iya mag-amay. Ginakungkong ni Ana ang isa ka tuig nga bata nila sang kapitan samtang nagapungko sa likod sang motorsiklo ang ila 10 ka tuig nga bata nga babaye.

Wala nakita ni Ana kon sin-o ang nagpalupok. Ginpanginwala naman sini nga pusil sang iya bana nga nasulod sa bag ang aksidente nga naglupok. Ginpahayag ni ana nga mga lago ang ila dala kag wala sang pusil nga unod ang bag.

‘Accidental firing?’

Ginadeterminar sang Cabatuan police kon hungod nga gintiro ukon accidental firing ang gintunaan sang kamatayon ni Punong Barangay Zunieg.

Suno kay PCINSP Engelbert Banquillo, hepe sang Cabatuan Police Station, base sa ila initial investigation, wala sang tawo sa palibot sang natabu ang insidente. May narecover man nga holster sang 45 caliber pistol sa bag kag may nakita nga buslot sa bag sang biktima. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ‘Guba ang negosyo’
Next post Lalaki nga may ginapatihan may nerbyos, gintiro patay sa Passi City