Dry run sa pagamit sang Guimaras-Iloilo Ferry Terminal, gin-reset!
Iloilo City–Gin-reset sa masunod nga semana ang dry run sa pagamit sang Guimaras-Iloilo Ferry Terminal ukon GIFT sa Parola area.
Suno kay Guimaras Vice Governor John Edward Gando, una nga gintalana ang dry run buwas apang kinahanglan niya nga magtambong sa meeting sang PDEA kag Regional Development Council ukon RDC.
Luyag ni Gando nga mag-attend sa dry run agud makita kun may problema kag masolusyonan. Iya gin-athag nga ang makagamit lang sang GIFT ang mga Buenavista-bound passengers kag pumpboats samtang magapabilin naman sa Ortiz Wharf ang mga nagabiyahe pakadtu sa Jordan, Guimaras.
Nagkomiter suno sa iya ang City Government nga indi pagtandugon ang mga pasahero kag mga pumpboats sa Ortiz bangud nga delikado kun i-akomodar ang mga pumpboats nga nagabiyahe sa Buenavista. (AGB)