‘Indi madala sa sorry’
Iloilo City — (UPDATE) Indi makoreheran sang ‘sorry’ ang tuman ka mahal nga billing sang Panay Electric Company sa ila mga konsumedor.
Indi na madala sa istorya ang isyu suno kay Councilor Plaridel Nava kag nagakinahanglan sang gilayon nga aksyon. Ginpanugyan sang konsehal sigehon sang city council ang committee hearing sa proposed ordinance ni Councilor Joshua Alim nga maga-require sa PECO sa pagamit sang meter-reading card system agud mahibaluan sang mga konsumedor ang ila ginakonsumo nga elektrisidad kada tuig.
Dapat man suno kay Nava nga magpasilabot na ang executive branch bangud madamo na ang nagareklamo sang gulpi nga pagmahal sang ila balayran sa PECO. (JoMaque)