Mayor Jed Patrick Mabilog, wala nalakip sa narco list nga gina-uyatan sang PDEA 6

Iloilo City–Wala nalakip sa listahan sang Philippine Drug Enforcement Agency ukon PDEA 6 sang mga government officials nga involved sa illegal nga druga si Mayor Jed Patrick Mabilog. Apang gin-athag ni PDEA 6 Assistant Regional Director Levi Ortiz nga sa listahan lang ini sang ahensya.

Ginpahayag ni Ortiz nga may iban man nga ahensiya nga nagahimo sang validation kag posible suno sa iya nga may direkta nga naga-feed sang mga impormasyon kay Presidente Rodrigo Duterte. Gin-ako ni Ortiz nga madamo sang impormasyon nga indi na nila masagap bangud sang kakulang sang ila personnel.

20 ka mga government officials sa Panay ang nalakip sa narcolist sang PDEA 6 sa diin nabutang ang pangalan sang apat tubtob lima ka mga punong barangay sa syudad sang Iloilo. (AGB)