Governor Arthur Defensor kag apat ka kongresista sa probinsya, naghisugot nga magatib-ong sang isa lang ka kandidato sa pagka-gobernador sa 2019 elections

Iloilo–Ginkumpirmar ni Gov. Arthur Defensor nga liwat sila nagsapol sang apat ka kongresista sa probinsya sa Richmonde Hotel.

Nagtambung sa meeting sanday 2nd District Rep. Arcadio Gorriceta, 3rd District Rep. Arthur Defensor Jr, 4th District Rep. Ferj Biron kag 5th District Rep. Raul Tupas. Sa ikaduha nga tiun, wala naman na-imbitar si 1st District Rep. Richard Garin.

Nakasugtan sa meeting suno kay Gov. Defensor nga magatib-ong sang isa lang ka kandidato sa pagka-gobernador sa 2019 election. Gin-athag ni Defensor nga wala pa sila nakapili kon sin-o ang padalaganon sa grupo pero nag-signify na sang interest sa posisyon sanday Congressmen Defensor Jr kag Biron. (AGB)