Pila ka opisina sa Iloilo Hall of Justice, nagatulo!
Iloilo City–Nagatulo ang pila ka opisina sa Iloilo Hall of Justice bisan wala pa duha ka tuig nga na-retrofit.
Ginkumpirmar ni Judge Victorino Maniba Jr sang Branch 39 nga nagatulo sa iya court room kag stock room, mamunog man ukon manipis ang pag-ulan. Magluwas sa iya opisina, ginpahayag nga nagatulo man sa Public Attorney’s Office.
Ginkadtuan na sang contractor nga F. Gurrea Construction ang opisina ni Maniba agud matan-aw kon paano masolusyunan ang problema.
Gin-retrofit ang Hall of Justice building matapos na-apektuhan sang mabaskug nga linog sang 2012. (AGB)