ArchivesLokal

Magulang nga may kuyap, ginapatihan naglabo patay sa iya manghod

Sara, Iloilo–Nabugtawan sang 57-anyos nga lalaki nga duguon kag tata sang labo ang iya 45-anyos nga manghod sa Barangay Domingo.

Suno kay PO2 Rene Panes sang Sara Police Station, ginhagad ni Antonio Bahinting ang iya manghod nga si Russel Acosta  nga magtulog sa ila payag pagkatapos niya nga magtanum sang mais. Ginpahayag nga hubog ang mag-utod.

Suno sa mga himata ni Bahinting, may epilepsy ini kag gulpi lang nagabangon kun gab-i kag kag nagalakat nga daw wala lang kabalo. Suno kay PO2 Panes, ginapatihan nga gin-abot sang kuyap ang magulang kag ginlabu ang iya manghod samtang nagakatulog.

Nagsurrender si Bahinting sa kapulisan apang wala sang plano nga mag-file sang kaso ang pamilya batuk sa iya. (AGB)

Leave a Reply