Mga probinsya sa Region 6, indi priority sa programa sang gobyerno para sa magagmay nga mga negosyante
Iloilo–Wala nalakip ang mga probinsiya sa Rehiyon 6 sa mga prayoridad nga mabenepisyuhan sang programa sang gobyerno para sa magagmay nga mga negosyante.
Suno kay Department of Trade and Industry ukon DTI Regional Director Diosdado Cadena, magapagguwa sang 100 milyones pesos ang gobyerno para sa subong nga bulan sa idalum sang pondo para sa pagbabago at pag-asenso program. Pero makabenepisyo sini ang mga probinsiya nga tuman ka pigado. Wala dire suno sa iya nalakip ang mga probinsiya sa Western Visayas.
Sa idalum sang programa ang mga magagmay nga negosyante mahimo makahulam sang pang-capital sa ila negosyante halin lima ka libo tubtob P10, 000. Kinahanglan lang suno kay Cadena nga may permit ang gusto maghulam.
Wala sang collateral kag nagalab-ut sa 2% ang interest kada bulan nga bayaran sang mga naghulam, tuman ka nubo ipaanggid sa 20% nga interest kada semana sang mga naga-utang sa mga Indian nationals.
Target sang programa ang mga nagabaligya sa merkado kag mga sari-sari store owners. (AGB)