Social pension sa mga senior citizens
Iloilo City–Nagpa-athag si City Social Welfare and Development Officer Fred Villanueva sa hatagay sang social pension sa mga senior citizens.
Ginpahayag sini nga kwalipikado sa amo nga programa ang mga senior citizens nga naga-edad 60 ka tuig pasaka kag dapat wala sang ginabaton nga SSS ukon GSIS pensions. Dapat magpasa sang ila identification card ang aplikante kag certificate sang indigency nga mahimo makuha sa barangay sa diin naga-estar ang senior citizen. Kun ma-aprubahan, ang senior citizen makabaton sang P1, 500 kada quarter ukon 500 pesos kada bulan.
Gin-ako man ni Villanueva nga nagakalutsan sila kun kaisa kag may ara gina-endorso ang mga presidente sang mga asosasyon nga benepisyaryo bisan indi ini kwalipikado.
Sang damlag lang ginhatag ang 1st quarter social pension sang mga senior citizens kag madamo nga mga pamilya ang nagreklamo bangud may nagbaton sang pension bisan nga may sarang sa kabuhi. (AGB)
Sir
May concern lang ko tani ngaa ang senior citizen sa Leon, Iloilo wala pa ang iban sang Pension nga nabaton? Abi ko subong nga tuig 2017 na approbahan na sang DSWD nga dapat tanan nga senior Citizen nga wala pension nga gnabaton kada bulan pwede ka avail sang amo na benipisyo nga makabaton sang 1,500 quarterly ukon 500 kada bulan halin sa dswd?
Tani ma klaruhan lang kung matuod gid ini gid man?