Tatlo nadakpan, isa nakapalagyo sa drug buy bust operation sa Molo!
Iloilo City — Tatlo ang nadakpan, isa ang nakapalagyo sa drug buy bust operation sa Zone 1 North Baluarte, Molo kaina sang kaagahon.
Arestado ang subject sang operasyon nga si Jimboy Chavez, 30-anyos sang Tanza Baybay, City Proper. Nadakpan man sanday Daryl Deduro kag Alejandro Aurelio nga utod ni North Baluarte,punong barangay Allan Aurelio.
Nakapalagyo naman si Francis Miguel sang Cochero Molo. Suno kay Chief Inspector Marlon Valencia, hepe sang Molo Police Station, nadayon ang operasyon sa bulig ni punong barangay aurelio matapos sini nabal-an nga nagagamit sang illegal drugs ang iya utod. (JoMaque)