Anum ka drug personalities lakip ang ginapatihan downline sang Benares-Chua Drug Group sa Bacolod City, nadakpan sa buy bust operation sa sulod sang hotel

Iloilo City — Preso sa Police Station 1 ang anum ka ginpahayag drug personalities matapos nadakpan sa sulod sang Century 21 hotel. Subject sang drug operation si Mai Grace Galve sang Bacolod City nga ginpahayag downline sang Benares-Chua Drug Group suno kay Police Chief Inspector Aldren Lamera, hepe sang Police Station 1.

Nakuhaan si Galve sang anum ka magagmay kag isa ka daku nga mga sachets sang suspected shabu, P1,100.00 pesos nga kwarta kag mga drug paraphernalia.Arestado man ang lima ka lalaki nga ginpahayag nagaruro sa sulod sang hotel lakip ang driver ni Galve nga ginkilala kanday Jomar Montaño sang San Juan, Boulevard, Jeorge Ian Bacuyani sang Buenavista, Guimaras, Olime Del Frado Dela Cruz kag Clarence Gilroy kag Vinter Bermejo sang Bacolod City.

Gin-ako ni Galve nga nagagamit siya sang illegal nga druga para sa sakit niya sa dughan apang ginpanginwala nga nagabaligya siya sang drugs. (JoMaque)