(UPDATE) Problema sang mga konsumedor sa over billing sang PECO, ipalab-ut ni Councilor Joshua Alim sa Kamara

Iloilo City–Ipalab-ut ni Councilor Joshua Alim sa Kamara de Representantes ang reklamo sang mga konsumedor nga over billing sang Panay Electric Company ukon PECO.

Suno kay Alim, magadihon siya sang resolution para idangup sa Energy Regulatory Commission ukon ERC ang issue sa PECO matapos ang public hearing sang Committee on Public Utilities ni Councilor R. Leone Gerochi.

Ilakip ni Alim sa resolution ang minutes sang public hearing sa diin ginpresentar sang PECO ang ila counter proposal sa iya ginaproponer nga meter reading card system.

I-file ni Alim ang resolution sa City Council sa masunod nga semana antes ipadala sa Kamara. (AGB)