Iloilo, topnotcher sa Western Visayas sa madamo nga kaso sang alleged EJK

Nagapanguna ang Iloilo sa may madamu nga kaso sang alleged extrajudicial killings sa Western Visayas.

Suno kay Atty. Jonnie Dabuco sang Commission on Human Rights 6, isa sa mga gina-imbestigaran nila nga kaso ang pagtiro patay sa mag-asawa nga Meriam kag Melvin Odicta. Bisan nagdesisyon na ang pamilya Odicta nga indi na interesado mag-file sang kaso batuk sa mga suspetsado, padayunon gihapon sang CHR suno kay Dabuco ang imbestigasyon agud madeterminar kun may human rights violations sa krimen.

Sa record sang CHR 6 tubtub Marso subong nga tuig, sa 58 ka mga kaso sang alleged EJKs, may yara sang 14 ang Iloilo, ginsundan sang Negros Occidental nga may 5; Antique-3; kag tag-1 naman ka kaso sa Aklan, Capiz kag Guimaras. 24 ang napatay sa police operations, 23 ang kahimuan sang unidentified perpetrators kag isa ang identified civilian. (AGB)