ArchivesLokal

Task Force on Moral and Values Formation Head, nagpasiguro nga wala-untat ang implementasyon nila sang Curfew for Minors Ordinance

Iloilo City — Wala untat ang saturation drive sang task force on moral and values formation angut sa mas istrikto nga pagpatuman sang Curfew for Minors Ordinance.

Ginpasiguro ini ni Task Force Head Jorge Duron agud malikawan ang kriminalidad nga nagadalahig sang mga menor-de-edad.Gin-ako ni duron nga pila ka minors gihapon ang nagalapas sang ordinansa matapos 132 na ang ila na-rescue halin sang liwat ginlunsar ang ordinansa sang nagligad nga bulan.

Sa nasambit nga numero, 111 ang mga lalaki kag 21 ang mga lalaki. Ginbuyagyag naman ni Duron nga may last warning na sila sa ginikanan sang menor sa Arevalo nga makaduha ka beses na nadakpan nga nagalapas sa curfew. Base sa ordinansa, mahimo mapreso sang indi magnubo sa 30 ka adlaw kag indi maglapaw sa anum ka bulan ang ginikanan sang menor nga makatatlo ka beses nga madakpan nga nagalapas. (JoMaque)

Leave a Reply