ArchivesLokal

‘Bastos’

Gintawag nga bastos ni Environmental Management Bureau (EMB) 6 Director Ariel Gloria ang mga tag-iya sang commercial establishments sa Boracay nga nagapahapos lang kag illegal nga naga-tap sang ila poso negro sa drainage canal gani nagadiretso ang ila mahigku nga tubig sa beach.

Suno kay Gloria, wala naga-agi sa water treatment plant ang mahigku nga tubig antes i-release sa dagat. Nagpadala sang tawo si Gloria sa Boracay agud maghimo sang inspection antes magpapanaug sang show cause order.

May warning man si Gloria sa local officials sang Malay, Aklan nga posible ma-iguan sang kaso administratibo bangud wala nagasunod sa Republic Act 9003 ukon ang Ecological Solid Waste Management Act.

Ginapa-identify ni Gloria kon ano nga mga establisemento sa Boracay ang wala sang waste treatment facilities. (AGB)

Leave a Reply