Contactor sang PECO sa meter reading, nag-athag nga wala pa na-terminate ang ila kontrata
Iloilo City–Wala pa na-terminate ang kontrata sang Utility Solutions Incorporated ukon USI sa Panay Electric Company.
Gin-athag ni USI Operations Manager Efren Buenvenida nga tubtub pa sa 2018 ang ila kontrata sa PECO, baliskad sa pahayag ni Engr. Randy Pastolero, Vice President for Operations sang PECO, nga terminated na ang kontrata.
Base sa kontrata, trabaho sang USI ang meter reading kag ang data nga matipon ang ginahatag sa PECO. Suno kay Buenvenida, ginahimo nila ang meter reading sa Jaro district subong nga tuig.
Gin-ako niya nga may human error nga nagakatabu sa meter reading ilabe na nga kulang sila sa personnel. 13 lang suno sa iya ang meter readers sang USI para sa para sa masobra walo ka libo ka mga konsumedor sa Jaro. (AGB)