City Councilor Jeffrey Ganzon, mangin pointman ni Presidente Rodrigo Duterte sa syudad kon makasaylo sa PDP-Laban
Iloilo City–Desidido si Councilor Jeffrey Ganzon nga magsulod sa PDP-laban kasunod sang pag-istoryahanay nila ni Presidente Rodrigo Duterte sa Davao City sang Marso 27.
Ginrason ni Ganzon ang iya handum nga makabulig sa syudad sang Iloilo kag maka-impluwensya sa presidente. Nakalab-ot si Ganzon sa amu nga desisyon sang ginpakita sa iya ni Duterte ang libro sa diin nabutang nga nagapanguna ang syudad sa may pinakamadamu nga illegal drugs cases.
Suno kay Ganzon, ginpili man siya ni Duterte nga mangin pointman sini sa syudad sa tion nga makasaylo na siya sang partido.
Wala pa sang schedule si Ganzon kun san-o magasumpa kay Senate President Aquilino ‘Koko’ Pimentel III bilang bag-o nga miembro sang PDP-Laban. (AGB)