DOH 6, ginapahalong ang publiko batuk sa summer diseases!

Iloilo City–Ginsulit sang Department of Health 6 ang paandam sa publiko nga maghalong subong nga summer season agud makalikaw sa mga balatian.

Suno kay Dr. Marie Jocelyn Te sang DOH 6, uso kon tig-ilinit ang sunburn, sore eyes, skin diseases, food poisoning kag dog bites.

Nagpanugyan si Dr. Te nga dapat mag-inom sang madamo nga tubig; magsuksok sang manipis nga bayo kag likawan nga magbulad sa init agud indi ma-dehydrate. Dapat man mag-apply sang sunblock ukon moisturizer agud malikawan ang sunburn.

Dugang sini, kinahanglan siguraduhon nga matinlo ang pagpreparar sang pagkaun agud nga malikawan ang food poisoning. (AGB)