Lalaki, patay sa pagpangluthang sa birthday party sa Lambunao!

Iloilo City–Patay ang 47-anyos nga lalaki sa pagpangluthang sa birthday party sa Barangay Sibaguan kagab-i.

Ginkilala ang biktima kay Agustin Lazo nga may pilas sa dughan. Gintudlo ang mag-utod nga Kevin kag Ariel Lechoncito nga suspek sa shooting.

Base sa pag-imbestigar sang Lambunao police sa pagpanguna ni PCINSP Dennis Pamunag, hinubog ang isa sa mga anggulo nga ginasunod sa krimen. Si Kevin suno kay Pamunag ang gintudlo nga nagtiro sa biktima. (AGB)