Parish priest sang Sta. Barbara, ginreklamo nga nagpangyawyaw sa kasal!

Sta. Barbara, Iloilo–Ginreklamo ang parish priest sa Sta. Barbara nga nagpangyawyaw sa kasal sang Abril 5.

Suno kay Rey Siodina, 55-anyos sang Barangay Cadagmayan Norte, Sta. Barbara, natabu ini sa kasal sang iya bata. Naghambal suno sa iya sa matunog nga tingog si Monsignor Juanito Tuvilla nga ‘simbahan kag indi tiendahan’ ang lugar kasunod sang paginahud sang mga flower girls nga nagalinya. Pagkatapos sang pagbasa sang ebanghelyo, ginpahayag nga naghampal ang pari sa mga nagatambung nga magpungko kon gusto nila magpamati ukon maguwa kon indi luyag magpamati.

Natalupangdan man suno kay Siordina ni Monsignor Tuvilla ang mga bridesmaids kag ginpamangkon kon kulang ang bayo kag kuntani nagsuksok na lang sang bra sa pagsulod sa simbahan.

Suno pa kay Siordina, naghibi ang bride bangud sa kahuya sa ginpanghambal sang pari. (AGB)