ArchivesLokal

Public hearing sa proposed Modified Muffler Ordinance, mabungahon suno kay Councilor Joshua Alim!

Iloilo City–Nangin mabungahon ang public hearing sang Committee on Police Matters and Public Safety sa City Council sa proposed Modified Muffler Ordinance ni Councilor Joshua Alim.

Nagapasalamat si Alim nga madamo sang nagtambung nga may technical knowledge sa isyu. Nakabulig sang daku suno sa konsehal ang mga suhestyun sang mga ini.

Nagpasalamat man si Alim bangud may nagtanyag nga negosyante nga madonar sang gadget nga DIGICON sound level meter nga magamit sa implementasyon kon mapasar na ang ordinansa. Ang gintumod nga gadget ang magatakos sang kagahud sang tambutso.

Plano ni alim nga ilakip sa proposed ordinance ang pagkumpiskar sang magahud nga tambutso sa 3rd offense kag ipalapak ini sa pison. (AGB)

Leave a Reply