Anay Cong. Jun-Jun Tupas, nagpanindugan nga nakabayad ang gobyerno para sa “Iskolar sang Quinto sa NIPSC

Iloilo — (UPDATE) Ginpanindugan ni former Congressman Jun-Jun Tupas nga nakabayad ang gobyerno para sa “Iskolar sang Quinto sa Nothern Iloilo Polytechnic State College ukon NIPSC.

Nagbalibad na si Tupas sa pagkomento sa iban nga detalye sa isyu bangud nga may ginpasaka na nga kaso batuk kay NIPSC president Maria Theresa Palmares sa indi pagrelease sang transcript of records sa graduates sang “Iskolar sang Quinto” matapos ginpahayag sini nga may collectibles pa sila nga 74 million pesos.

Suno kay Tupas, halin 2007 tubtob 2012, naglab-ut sa 100 million pesos ang ginbayad sa NIPSC paagi sa iya Priority Development Assistance Fund ukon pork barrel. Pero sang gindula ang PDAF, nagbayad suno sa iya ang gobyerno sang 37 million pesos sang 2013 kag 2014.

14 million pesos naman suno ka Tupas ang nabayad sang gobyerno sa eskwelahan sang 2015 kag 16.5 million pesos sang nagligad nga tuig. Ginapa-account suno kay Tupas ang bayad sa NIPSC pero wala ini nahimo sang eskwelahan. (JoMaque)