IPPO, magalunsar sang Oplan Semana Santa
Iloilo — Magabutang sang mga assistance desks sa plaza kag mga simbahan ang Iloilo Police Provincial Office (IPPO) sa tiun sang semana santa. Suno kay IPPO Director Harold Tuzon, katuyuan sini nga masiguro ang kaluwasan sang publiko sa obserbasyon sang holy week. Magapakig-angut man ang kapulisan sa mga pari agud mahibaluan ang mga aktibidades nga nagakinahanglan bantayan pareho sang visita iglesia, via crucis, pagtaltal kag procession sa Biernes Santo. Hugot man nga bantayan sang kapulisan ang iban pa nga mga lugar nga masami ginadugukan kun semana santa. (JoMaque)