ArchivesLokal

‘Libre nga serbisyo sa publiko’

Iloilo City–Ginpahanumdom ni Atty. Leo Sombiro, presidente sang Integrated Bar of the Philippines ukon IBP-Iloilo Chapter ang publiko nga may libre nga serbisyo legal nga ginahatag ang IBP sa mga pigado nga pumuluyo.

Suno kay Sombiro, madugay na ini nga programa pero wala lang nahibaluan sang publiko. Ginpahayag sini nga indi dapat magkahuya ang publiko nga magpalapit sa ila kun nagakinahanglan sang legal assistance. Gin-athag man sini nga magluwas sa ‘legal aid for the poor,’ nagatalakay man sang mga isyu nga concerned ang publiko ang IBP kag ini man kun kaisa ang nagapasaka sang kaso may kaangtanan sa mga kontrobersiyal nga isyu.

Magluwas sa ‘legal aid for the poor,’ plano man sang bag-o nga set sang mga opisyal sang IBP ang magpahamtang sang speakers bureau para sa media kag clinic para sa mga kliyente sa Iloilo Hall of Justice.

Si Sombiro ang nagbulos kay anay IBP-Iloilo President Maricar Hiballes. (AGB)

Leave a Reply