ArchivesLokal

Matuod nga identity sang isa pa ka lalaki nga napatay sa buy bust operation sa Zarraga, natumod na sang Roxas City Police

Iloilo — (UPDATE) Gin-identify na ang ikaduha nga lalaki nga napatay sa drug buy bust operation sang Provincial Drug Enforcement Unit sa Poblacion, Ilaya, Zarraga kahapon.

Suno kay PO3 Mary Elizabeth Balgos, imbestigador sang Roxas City Police Station, gin-identify sang iya pakaisa ang ikaduha nga napatay nga amo si Jaime Ching Buaron II alyas Jimboy sang Sitio Cabaldon, Poblaction, President Roxas, Capiz.

Una naguwa ang pangalan ni Billy Juanico base man sa impormasyon nga ginpalab-ut sang Roxas City Police sa Zarraga Police. Pero nagkadtu sa police station sa Roxas City ang pakaisa ni Buaron nga si Gina Bofel kag nagkonfirmar sa identity sini.

Magluwas kay Buaron, patay man si Charles Lubao sang Roxas City matapos ginpahayag nagbatu sa mga pulis. 24 ka sachets sang suspected shabu, 500 pesos nga marked money, granada kag pusil ang narecover kanday Buaron kag Lubao. (JoMaque)

Leave a Reply