ArchivesLokal

Mga magagmay nga planters sang tubo, apektado na sang strike sang mga laborers sang Central Azucarera de San Antonio sa Passi City!

Iloilo–Tuman ka daku sang problema nga dala sang malapit duha ka semana na nga strike sang mga laborers sang Central Azucarera de San Antonio ukon CASA sa Passi City.

Suno kay anay Janiuay Mayor Dr. Ben Margarico nga nagatanum man sang tubo, nagabakhu ilabe na ang magagmay nga planters bangud pierde gid sila sa mahinay nga pagaling sang ila produkto. Apat tubtob lima ka adlaw pa antes magaling ang tubo samtang atrasado man ang paghakut halin sa kampo.

Ginpa-athag ni Margarico nga nagamag-an ang tubo samtang nagadugay gani wala gid sang puslon ang mga planters. Nagalaum si Margarico nga makadihon sang win-win solution ang tag-iya sang CASA nga si Antonio Steven Chan kag ang mga laborers agud indi na maglawig ang problema. (AGB)

Leave a Reply