Lima ka mga punong barangay sa syudad, ginatudlo nga drug protector base sa ulihi nga re-validation sang ICPO kag PDEA 6

Iloilo City — Hugot nga gina-monitro sang mga miembro sang Drug Enforcement Unit, Station Drug Enforcement Teams kag Philippine Drug Enforcement Agency (PDEA 6) ang lima ka mga punong barangay nga ginatudlo drug protector.

Sa pinakaulihi nga re-validation sang Iloilo City Police Office (ICPO) kag PDEA 6, naguwa sa intelligence report nga aktibo nga nagaproteher sa mga drug personalities kag sa ila mga himata ang lima ka mga punong barangay.

Ginhimo ang revalidation sa ginhiwat nga workshop sang mga miembro sang drug enforcement, intelligence officers kag PDEA 6. Magluwas sa mga punong barangay, may mga barangay kagawad man nga drug protector lakip na ang barangay tanod nga tokhang surrenderer kag government officials nga padayon nagabaligya sang illegal nga druga nga yara man sa listahan. (JoMaque)