January 25, 2022

Monsignor Juanito Tuvilla sang Sta. Barbara, nagsabat sa reklamo nga nangyawyaw siya sa kasal!

Read Time:51 Second

Sta. Barbara, Iloilo–Nagsabat si Monsignor Juanito Tuvilla, parish priest sang San Lorenzo Ruiz Parish sa Sta. Barbara sa reklamo sang amay sang bride nga nagpakasal sang Abril 5 nga nagpangyawyaw siya.

Gin-ako ni Tuvilla nga nagpanaway siya bangud tuman ka gahud sa sulod sang simbahan. Matuod suno sa pari nga nagsinggit siya nga simbahan kag indi merkado ang lugar bangud indi sila maghilibati. Gin-athag ni Tuvilla nga may obligasyon siya nga magsaway bilang kura paruko kag ipatuman ang pagsulundan sang simbahan.

Gin-ako man ni Tuvilla nga nakamuno siya bayo sang mga bridesmaid bangud nga wawa ang atubang kag likod pero nanginwala nga ginhambalan niya ang mga ini nga mag-bra na lang kuntani.

Nagreklamo si Rey Siodina sang Cadagmayan, Sta. Barbara nga nangyawyaw ang pari sang naginahod ang mga flower girls samtang nagalinya, natalupangdan bisan ang bayo sang mga bridesmaid kag ginhambalan nga kuntani nag-bra na lang sa pagsulod sa simbahan. Ginpahayag ni Siodina nga naghilibiun ang bride bangud sa ginpanghambal ni Tuvilla. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Alleged rape sa Guimbal
Next post 70-anyos nga lalaki, nasapwan nga patay na sa footwalk pasulod sa patyo sang Barotac Nuevo