11-anyos nga bata nga babaye sa Leganes, patay matapos nabungguan sang awto
Leganes, Iloilo–Patay ang 11-anyos nga bata nga babaye matapos nabungguan sang awto sa Barangay San Vicente kaina sang aga.
Wala gid natabangan si alyas Kim sang Calaboa, Leganes bangud sang pilas sa ulo. Mabakal kuntani ang bata sang pagkaun sang nabungguan sang salakyan ni Rodrigo Dioso sang Nueva Ecija pero nagatenir sa Bakhaw, Mandurriao.
Suno kay Dioso, gulpi nagtabok ang bata gani iya nabungguan.. Handa naman si Dioso nga sabton ang tanan nga gasto sa pagpalubong sa bata. (AGB)