2 ka Ilonggo nga soldado, lakip sa napatay sa pagpakig-away sa Abu Sayyaf group sa Bohol!

Duha ka Ilonggo ang nalakip sa apat ka napatay sa hanay sang gobyerno kasunod sang joint military kag police operations batuk sa Abu Sayyaf group sa Inabanga, Bohol.

Kumpirmado nga napatay sanday Corporal Meljun Cajaban, 29-anyos sang Pandan, Leon kag Sergeant John Dexter Duero sang Sagay, Negros Occidental pero tumandok sang Banate. Daw sa indi naman makapati ang pamilya sang duha ka Ilonggo nga mapatay sila sa matawhay nga lugar matapos nagdungka sa Inabanga ang armado nga mga grupo sang Lunes.

Nagapati ang Armed Forces of the Philippines nga nagpa-amulya sa Bohol ang ASG agud nga magpangkidnap sa mga tourism sites. Magluwas sa kanday Cajaban kag Duero, napatay man sa government forces sanday 2^nd Lieutenant Espelito Saldua Jr sang Batangas kag PO2 Rey Anthony Nazareno nga miembro sang SWAT.

Lima ang napatay sa Abu Sayyaf group lakip ang lider nga si Abu Rami. (AGB)