Atty. Gaudioso Geduspan, ginpahamtang nga ARD sang LTO 6!
Iloilo City — Gin-appoint bilang bag-o nga Asst. Regional Director sang Land Transportation Office (LTO 6) si Atty. Gaudioso Geduspan. Ginkumpirmar ini ni Geduspan samtang nagahulat sang transmittal order sang iya designation halin sa Department of Transportation Central Office. Suno kay Geduspan, pagatal-usan niya si OIC Asst. Regional Director Nanette Deocampo nga una gin-designar bilang Administrative Officer sang LTO. Padayunon ni Geduspan ang mga maayo nga programa nga nasuguran sa ahensya sa bulig ni LTO 6 Director Roland Ramos. Si Geduspan, ang nagserbi nga legal officer sang nasambit ahensya antes ginpahamtang nga ARD. (JoMaque)