Councilor Jeffrey Ganzon, naghalin na sa Liberal Party!

Iloilo City–Nagresign na sa Liberal Party si Councilor Jeffrey Ganzon agud magsaylo sa PDP-Laban. Suno kay Ganzon, nagsumiter siya sang resignation letter kay Mayor Jed Patrick Mabilog sang Lunes sa pagpati nga moral obligation niya sa mga pumuluyo nga islan ang negatibo nga impresyon ni Presidente Rodrigo Duterte sa syudad.

Mahimo lang ini suno sa iya kun suportahan niya ang tanan nga programa kag plano sang administrasyon.

Nagalaum si Ganzon nga mangin maayo ang imahe sang syudad kun makabulig siya sa iya pagsulod sa PDP Laban.

Sa iya nga pagpakig-istorya kay Presidente Duterte, ginhambalan si Ganzon nga magsumpa kay Senate President Koko Pimentel apang wala pa siya sang ideya kun san-o. (AGB)