Resolution ni Councilor Joshua Alim nga nagahingyo sa Kongreso nga imbestigaran ang ginpahayag iregularidad sa PECO, ginsuportahan sang tanan nga konsehal sa syudad
Iloilo City — Ginsuportahan sang tanan nga konsehal sa syudad ang resolution ni Councilor Joshua Alim nga nagahingyo sa kongreso nga imbestigaran ang ginpahayag nga iregularidad sa Panay Electric Company.
Ginpasalamatan ni Alim ang suporta sang iya mga kaupod sa konseho bisan pa nga absent si Vice Mayor Jose Espinosa III sa session kahapon. Nag-preside sa session si Councilor Jeffrey Ganzon.
I-forward suno kay Alim ang resolution sa opisina nanday Congressman Jerry Treñas, Bayan Muna party list Congressman Isagani Zarate kag Kabayan party list Congressman Harry Roque nga amo ang magsponsor sang resolution sa kamara agud imbestigaran ang PECO.
Una na ginrason ni Alim nga napilitan siya magduso sang resolution kasunod sang madamo na nga reklamo sang mga konsumedor sang PECO sa over billing. (JoMaque)