Wala sang terror threat sa Western Visayas–PRO 6

Wala sang terrorism threat sa Western Visayas base sa monitoring sang Police Regional Office 6. Apang hugot nga nagabantay ang kapulisan suno PRO 6 Spokesperson PSUPT Gilbert Gorero ilabe na sa Guimaras kag Boracay.

Kasunod ini sang engkuwentro sa tunga sang Abu Sayyaf group kag government forces sa Inabanga, Boho.

Suno kay Gorero, padayon man nga nagacoordinate ang PRO 6 sa intelligence communities agud matapna ang anuman nga pamahog sa mga tourist destinations sa Western Visayas.

Naka-alerto na sugod sang Lunes ang kapulisan indi lang para sa Semana Santa kundi para man sa pagtapna sang anuman nga pamahog sang mga terorista. Gina-engganyo man ni Gorero ang publiko nga ireport sa kapulisan ang sin-o man nga tawo nga makaduluda nga hulag sa ila lugar. (AGB)