Daku nga sunog, nagpuhag sa mga residente sa Lopez Jaena Norte, La Paz

Iloilo City — Napuhag ang mga residente sa Lopez Jaena, Norte La Paz matapos nag-ibwal ang daku nga sunog pasado alas 12 kaina sang kaagahon kag naglawig sang masobra tatlo ka oras.

Suno kay punong barangay Marjorie Gregorios, 53 ka balay ang nalista nga naupod gid sa sunog bangud nga human sa light materials. Nagsugod ang sunog suno sa punong barangay sang nag-spark ang kuntador sa poste kag nagtupa ang baga sa balay ni Tessie Jaena nga human sa nipa.

Nagpasalamat si Gregorios nga wala sang casualty sa natabu. Nakapadala naman sang inisyal nga bulig ang City Social Welfare and Development Office sa mga nasunugan.

Temporaryo nga nagatiner sa barangay hall kag Aglipayan church ang pila ka residente nga nasunugan. (JoMaque)