Pag-obserbar sang mga Kristiyano sang Semana Santa sa Probinsya, nangin malinong suno sa IPPO
Iloilo — Nangin malinong kag matwhay ang pag-obserbar sang mga Kristiyano sang Huwebes kag Biernes Santo. Gintumod nga rason ni Iloilo Police Provincial Office (IPPO) spokesperson Chief Inspector Aron Palomo ang pagbuligay sang tanan nga sektor gani nangin madinalag-on ang ila Oplan Semana Santa.
Daku ang pasalamat sang pamunuan sang IPPO suno kay Palomo bangud wala sang dalagku nga insidente nga narecord tubtub kahapon.
Napunggan man suno kay Palomo ang mga dalagku nga insidente bangud sa maximum deployment nga ginpatuman ni IPPO director Harold Tuzon. (JoMaque)