ArchivesLokal

Construction worker, ginbuno patay sa Jaro

Iloilo City–Patay ang construction worker nga ginbuno sa Petaslville Subdivision sa Tabuc Suba, Jaro kagab-i.

Ginkilala ang biktima kay Raynil Overo, 32-anyos, sang Lalagsan, La Castellana, Negros Occidental nga may pilas sa likod, dughan, tiyan kag paa. Gintudlo nga nagbuno kay Overo si Eugene Chiva sang Tabuc Suba, Jaro.

Suno kay PO2 Saturnino dela Cruz sang Jaro Police Station, naga-inom sa sulod sang kariderya ang biktima kag iya abyan kag suspek sang natabu ang insidente. Ginpahayag nga ginyaguta sang biktima ang suspek kag ginhaboy sang baso. Nagtambag pa ang tag-iya sang karinderya sa away kag ginpapuli ang biktima apang nakapanginpadlos ang suspek kag ginbuno si Overo.

At-large ang suspetsado.(AGB)

Leave a Reply