ArchivesLokal

Antique, preparado na para sa Palarong Pambansa 2017

Handa na ang Antique sa paghost sang Palarong Pambansa 2017 halin Abril 23 tubtob 29.

Ginapadayaw ni Governor Rhodora Cadiao nga ginakilala sang Department of Education ang ila preparasyon para sa tuigan nga pinakadaku nga sports event sa pungsod. Naka-abot na suno kay Cadiao ang mga delegado sang 15 sa 18 ka rehiyon sa pungsod kag wala sang mga reklamo nga nabaton ang probinsya.

24 ka dalagku nga eskwelahan lakip ang duha ka unibersidad ang ginhimo nga billeting areas para sa mga atleta, coaches, school officials kag iban pa nga delegado. Ginbuksan man ang mga elementary kag secondary schools nga malapit sa billeting areas para sa mga ginikanan sang mga atleta kag iban pa nga bisita.

May mga areas man nga ginbuksan agud himuon nga tent city sa san jose kag kaingud nga mga banwa..//

‘Maabot si PDuterte’

90 porsyento naman ang posibilidad nga makatambung sa opening si Presidente Rodrigo Duterte. Ginpahayag ni Cadiao nga naka-abot na ang advance party sang presidente sa Antique kag masunod ang taga-Presidential Security Group. (AGB)

 

Leave a Reply