ArchivesLokal

Apat ka tuig nga bata sa Barotac Nuevo, aksidente nga natiruhan ang iya amay!

Barotac Nuevo, Iloilo–Aksidente nga natiruhan sang apat ka tuig nga bata nga lalaki ang iya amay sa Barangay Bungca, Barotac Nuevo kagab-i.

Hubog nga nagpauli ang amay nga si alyas Roger, 43, sang amo man nga barangay. Suno sa iya live-in partner nga si Myrna, 43, ginbutang ni Roger sa iya kilid ang 12-gauge shot gun sang naghigda ini.

Apang wala nila natalupangdan nga nakuha sang bata ang pusil kag ginhampangan.

Naigo sa wala nga tiil si Roger sang gulpi lang naglupok ang pusil samtang gina-uyatan sang bata.

Ginabulong sa ospital si Roger samtang ginsurrender sang pamilya ang pusil sa Barotac Nuevo Police Station. (AGB)

Leave a Reply